NATIONAL News –- Viral sa social media ro natabu nga graduation rites sa Barangay Libertad San Jorge, Samar, bangud nga sambilog eamang nga estudyante ro nakatapos makaron nga school year.
Suno kay Gerry Ocenar, Information Officer it DEPED Samar Division sa anang batch hay sambilog eang raya nga nag-enroll, halin kindergarten hasta Grade 6.
Dugang pa ni Ocenar, ro Libertad Elementary School hay nagapatuman it ginatawag nga multi-grade program, buot hambaeon nga may mga manugturo nga nagaturo sa sambilog hasta tatlong klase.
Sa makaron hay may una eamang nga siyam nga estudyante nga nakapag-enroll, halin Grade 1 hasta 6 ag sambilog eamang ro nagtapos.
Ginaeauman suno kay Ocenar, nga sa masunod nga dag-on hay owa gid it may matabu nga graduation bangud nga owa it mga estudyanteng nagpa-enroll.
Nasayuran nga ro nasambit nga barangay hay nabukid nga parte it probinsiya it Samar ag masyadong maeayo sa banwa.
