NATIONAL News — Ginklaru makaron it Catholic Bishops’ Conference of the Philippines (CBCP) nga owa it frontrunners sa maabot nga papal elections matapos mamatay si Pope Francis.
Suno kay CBCP spokesperson Fr. Jerome Secillano, sin-o man sa 135 nga eligible nga kardinal ro posibleng maging masunod nga santo papa basta mabo-oe kara ro 2/3 it boto.
Ginmitlang nana nga ro ideya it frontrunner hay himo eamang it media ag public perception.
Ro opinyon it mga kardinal electors ro maga-matter.
Tatlong Filipino cardinals nga ginaeakipan nanday Luis Antonio Tagle, Jose Advincula, ag Pablo Virgilio David, ro eligible nga magpasakop sa conclave.
Pagkatapos it siyam nga adlaw nga pagpangasubo, magatililipon ro mga kardinal sa Sistine Chapel para bumoto.
Ro itom nga asu hay nagakahueugan nga owa pa it napiling santo papa, samtang ro puting asu hay senyales nga may bag-ong santo papa eon nga napili.
