NATIONAL News — Pursigido ro Animal Kingdom Foundation (AKF) nga magpasaka it reklamo kontra sa eaeaking nag-eampos sa kuring sa saeog hasta nga mamatay, sa sangka baealigyaan sa Meycauayan, Bulacan.
Sa viral video, nagatikang ro eaeaki kat gulpi eon lang kara nga hakwaton ro kuring ag gin-eampos sa eugta it daywang beses.
Matapos kara hay nagtikang ro eaeaki nga matsa owa it natabu samtang tulala man ro mga nakakita sa insidente.
Owa eon naeagas ro eaeaki bangud nga gintinguhaan pa it mga tawo nga i-revive ro kuring.
“Ayon sa ating Animal Welfare Act, ‘pag namatay yung hayop na naging biktima ng pagmamaltrato o pang-aabuso ay mas mataas ang penalty nito na umaabot sa dalawang taon o multa hanggang P100,000,” pahayag ni AKF Program Director Heidi Marquez.
Samtang, plano man it AKF nga makipag-angot sa market and vendor association kamana man sa city veterinarian ukon municipal agriculturist para sa pagpatigayon it education campaign ag makaangkon it rabies vaccination ag pagkapon sa mga kuring.
