Paga-umpisahan eon nga ilunsar umpisa makaron nga adlaw, Mayo 15, ro pagbaligya it P20 rice sa haeos 32 mga Kadiwa Stores ag mging sa mga merkado sa sueod it National Capital Region (NCR).
Suno sa Department of Agriculture (DA), madugangan pa umpisa makaron ro mga Kadiwa sites ag merkado nga maga-baligya it P20 rice sa sueod it Metro Manila sa idaeom it ‘Benteng Bigas Meron na’ Program it presenteng administrasyon.
Suno kay Assistant Secretary for Agribusiness, Marketing and Consumer Affairs Atty. Genevieve Velicaria-Guevarra, halin sa inisyal nga waeong lokasyon hay mas paeawigon pa ro programa para sa mas mabaskog nga baealigyaan kara sa publiko.
Pila abi sa mga inisyal nga ginlunsar nga mga Kadiwa Stores ku Mayo 13 hay masaming naga-bukas it Huwebes kaya haeos makaron pa eamang sanda maga-umpisa it baligyaan it P20 nga bugas sa NCR.
Samtang, mageuwas sa Metro Manila hay bukas eon ag nalunsar eon man ro baligyaan it nasambit nga bugas sa tatlong Kadiwa centers sa Bulacan samtang target man it departamento nga ubrahong available sa publiko ro programa sa sueod it 42 nga lokasyon.
