Gin-aresto it Philippine National Police Criminal Investigation and Detection Group (PNP-CIDG) ro incumbent mayor it South Upi, Maguindanao del Sur ag asawa kara bangud sa pagpatay sa vice mayor it nasambit nga banwa ko 2024.
Ro mga suspek hay nakilaea eamang sa mga pangaeang “Rey” ag “Janet” nga naaresto it mga awtoridad sa Barangay Making sa Parang, Maguindanao del Norte kasunod it arrest warrant bangud sa murder, frustrated murder, ag attempted murder nga gin-isyu it regional trial court sa Cotabato City.
Madumduman nga pinatay sa ambush si South Upi Vice Mayor Ronald Benito ag sambilog sa anang mga security aide ko Agosto 2024.
Sakay it pick-up truck si Benito, miyebro it anang pamilya, ag security detail sa Sitio Linao, Barangay Pandan kat sanda hay atakehon.
Naninahan man sa nasambit nga ambush ro asawa ni Benito nga sangka barangay chairperson, andang unga, ag sambilog pang security escort.
