Sangka fangirl dream come true ro naeksperyensyahan it aktres nga si Janice de Belen, matapos nga nagsaka sa entablado kaibahan ro Korean superstar nga si Song Joong Ki sa anang fan meet sa sangka mall sa Pasay ko Sabado nga adlaw.
Sa sangka post sa social media, gin-share ni Janice ro mga litrato nga nagapakita kay Joong Ki nga nagatau kana it mga bueak ag nagkupkop imaw sa atubang it linibo nga mga fans.
“Omg! Tonight was a super, super amazing night! … He is my ultimate fave Korean actor!” suno kay Janice nga aminado nga mabahoe ro partisipasyon it anang emotional recovery ro K-drama nga ‘Descendants of the Sun’ matapos nga mamatay ro anang ina.
Nasayuran nga si Song Joong Ki nangin sikat bilang si Captain Yoo Shi Jin sa ‘Descendants of the Sun’ ag nag-arte man sa K-dramas nga ‘Vincenzo’ ag ‘Reborn Rich,’ kamana man sa pelikula nga ‘Space Sweepers.’
Ro fan meet nga ginpatigayon sa Manila hay ro kauna-unahan nga pagbisita ni Joong Ki sa nasyon.
