Nagpasakop ro mga Pilipino sa ”No Kings” protest bilang pagpamaeabag sa mga polisiya it admistrasyon ni U.S. President Donald Trump nga ginpatigayon sa 50 ka estado.
Ro mga protesta nga ginpangunahan it 50501 Movement hay nagatuyo nga ipahayag ro pagpamaeabag sa authoritarian policies ni Trump nga nagapakita sigon it pang-abuso sa gahom angot sa mga sueondanan kontra sa mga immigrants.
Kaibahan ro mga Pilipinong aktibista ag miyembro it Filipino-American community ro nagtao it andang pagsuporta sa mga American immigrants nga nakakulong sa mga ICE detention centers.
Kaabuan sa mga nagpasakop hay mga himata it mga Pilipinong gin-aresto ag ginkulong sa idaeom it mga polisiya it administrasyong Trump.
Sa New York City, ginkalampag it mga demonstrator ro gobyerno kon sa siin ginatantya nga kapin sa 50,000 katawo ro nagpasakop kaibahan ro mga Pilipino nga nagpahayag it andang pagkadismaya kontra sa administrasyon.
Samtang, sa Los Angeles, nakaangkon mat-a it tensyon sa mga rayelista kat gumamit it tear gas ro mga pulis matapos ro mga report it pag-eapganay it mga bato ag pagpaeopok sa mga awtoridad.
