Padayon ro panawagan it Bureau of Internal Revenue sa tamang pagbayad it buwis.
Angot kara, ginpaeawig it ahensya it hasta makaron nga Hunyo 16 ro pagdihon it aplikasyon sa Estate Tax Amnesty Program.
Nauna eon nga ginpahayag it ahensya nga hasta eon lang kunta ko adlaw it Sabado ro pagdihon kara.
Ginpahayag ni BIR Commissioner Romeo Lumagui Jr., kaibahan sa sakop it tanyag nga amnestiya hay ro mga property it mga namatay bag-o ukon ko Mayo 31, 2022 nga uwa pa nababayaran nga buwis.
Gin-anunsyo man nana ro iba pang mga payment facility para sa mga gusto pang mag-eagas nga mag-avail it programa.
Kaibahan eon kara ro pagbayad sa pinaagi it over-the-counter sa andang mga Authorized Agent Banks ag pagbayad sa pinaagi it BIR-approved electronic payment gateways ag iba pang options kaparehas it pag-adto sa mga Revenue District Offices ukon Revenue Collection Officers.
