Nag-umpisa eon ro dag-unang tatlong adlaw nga “Kaean-an sa Kalye” kahapon, adlaw it Byernes, Hunyo 20 sa Martelino St. Poblacion, Kalibo.
Suno kay Jay-Ar Arante, head it media team it LGU Kalibo, ro nasambit nga programa hay kaparte it selebrasyon it San Juan.
Ginabueubanta nga una sa 17 ka mga stalls ro nakipagbahin sa nasambit nga programa kun sa siin tampok ro nagkaeain-eain nga mga pagkaon ag mageuwas karon hay may mga banda nga maga-tukar kada gabi-e.
Pahayag dugang ni Jay-Ar nga raya hay bukas para sa tanan kaya gina-engganyo ro tanan nga mag-bisita.
Ginatyanta man nga maabot sa 5,000 ka mga pumueuo ro ginaeauman nga maga-bisita sa nasambit nga programa kapin eon kun weekends. Bukas sigon raya nga hasta it tungang gabi-e. Planado eon man ro seguridad, may mga katapo it kapulisan nga naga-monitor sa lugar.
Mageuwas kara, may igapatigayon man nga programa sa may bahin it Pook Jetty port sa maabot nga adlaw it selebrasyon, June 24, kun sa siin tampok ro nagkaeain-eain nga aktibidad kapareho it Zumba, Palo-sebo, Boxing, mga larong pinoy ag, pati eon man ro pinaka-highlight nga “Hydro”.
Ginaengganyo man ro tanan nga makipagbaho sa nasambit nga selebrasyon.
