KALIBO, Aklan — Ginkalipay it mga manugturo it Agbanawan Elementary School ro pagpahaum nga ginhimo it andang mga estudyante sa pagpanguna it Supreme Elementary Learner Government ag mga ginikanan para sa selebrasyon it World Teachers Day makaron nga adlaw.
Suno kay Mrs. Shirley Villanueva, head teacher III it nasambit nga eskwelahan nga eubus nanda nga ginkalipay ro ginpahaum nga programa ag mga regalo nga gintau it mga learners.
Sangka mag-asawa man sigon nga OFW sa Dubai ro nagdonar para sa feeding program it mga learners, kun sa siin , eubus ro andang kalipay sa ginpanupod nga pagkaon halin sa sangka sikat nga fast food chain.
Ro programa hay gin-umpisahan pinaagi sa First Friday mass.
Ginpaathag ni Villanueva nga mag-eowas sa pagtau it pasidungog sa mga kapareho nana nga una sa teaching profession, ro selebrasyon hay kaparte it pagkilaea sa importanteng papel it mga heachers sa pagturo sa mga pamatan-on nga Filipino.
Ro World Teachers Month hay nag-umpisa ko Setyembre 5 ag magatapos sa Oktubre 5 nga natiempo sa Domingo nga adlaw rason nga gin-adjust ro andang selebrasyon.
Para sa makaron nga dag-on, ro tema it World Teachers Month hay “My Teacher, My Hero”.
Ro selebrasyon hay sa idaeum man it Presidential Proclamation No. 242 series of 2011.
