Gin-aresto ro sangka retired military officer sa Ninoy Aquino International Airport (NAIA) adlaw it Lunes, Enero 5, 2026, sa kaso nga inciting to sedition.
Ginkilaea ro arestado nga si retired Major General Romeo Poquiz it Armed Forces of the Philippines (AFP).
Gin-aresto imaw it mga pulis kat mag-abot sa NAIA Terminal 3 halin sa Thailand, base sa kaso nga ginpasaka kontra kana.
Suno sa kapulisan, gina-alegar naghimo it mga pahayag si Poquiz nga naga-engganyo sa publiko nga maghimo it tikang kontra sa gobyerno nga ginakabig nga pag-eabag sa laye.
Ro nasambit nga reklamo hay may kaangtanan sa rally nga gin-organisar it grupo ni Poquiz sa People Power Monument ko Nobyembre, kun sa siin ginpahayag nga ginhinyo nana ro mga katapo it armed forces nga magtindog kontra sa gobyerno.
Ginpanginwaea ni Poquiz ro mga alegasyon ag ginpahayag nga haum imaw nga atubangon ro kaso pinaagi sa legal nga proseso.
Gindaea imaw sa sangka pasilidad ag ginaeauman nga mapasakaan it kaso sa masunod nga mga inadlaw.
