Elephant rides,  ginabawae eon bilang sangka sikat nga aktraksyon sa Bali, Indonesia

Nag-pundo eon ro sangka popular nga tourist attraction sa Bali sa pagpasugot sa mga turista nga magsakay sa mga elepante bilang kaparte it pagsakdag sa animal welfare.

Ro nasambit nga tikang hay kasunod it  mandu  it Indonesian conservation authorities nga punduhon ro mga aktibidad nga posibleng makahalit sa mga elepante.

Ginkumpirma it mga opisyal nga owa eon ginapasugtan ro mga turista nga magsakay sa elepante sa lugar.

Sa baylo, ro mga bisita hay pwede eon lang nga magtan-aw, magpakaon, ag magtuon parte sa mga elepante sa mas makatawo ag responsable nga pamaagi.

Gindayaw it mga animal welfare group ro desisyon, nga suno kanda hay sangka importante nga tikang paagto sa responsable nga turismo sa Bali.