-- ADVERTISEMENT --
Pasok na sa susunod na round ng Abu Dhabi Open si Alex Eala matapos talunin si Zeynep Sonmez ng Turkiye, 6-4, 6-3, sa isang oras at 29 minutong laban. Matapos ang makasaysayang quarterfinal finish sa Philippine Women’s Open, ipinakita ni Eala ang galing sa parehong sets, kabilang ang matagumpay na break sa serve ng kalaban sa pangalawang set.
Susunod niyang haharapin si Aliaksandra Sasnovich sa Miyerkules, matapos itong talunin si No. 8 Paula Badosa. Bukod dito, maglalaro rin si Eala sa doubles kasama si Janice Tjen laban kina Leylah Fernandez at Kristina Mladenovic sa Round of 16.
