Babaye sa Taiwan,  ginpresu matapos nga maggamit it megaphone agud nga  buyayawon ro anang kaeapit-baeay sa dis-oras it gabi-i sa sueod eon it kapin sa daywang dag-on

Sa Kaohsiung,Taiwan, sangka babaye ro naggamit it megaphone agud insultuhon ag buyayawon ro anang kaeapit-baeay bangud sa andang owa pagka-ilintindihan.

Suno sa mga residente nga ginahimo raya ni alyas Chen dis-oras it gabi-i kun sa siin hamuok eon sanda nga nagakatueog.

Pahayag pa nanda nga nababatian nanda ro masyado kabaskog nga sound  halin sa balkonahe ni Chen makatatlong beses sa sang domingo sa sueod eon it kapin sa daywang dag-on.

Bangud kara, nagkaeasugot ro mga pumueuyo agud mag-file it joint complaint kontra sa babaye.

Gindakop it mga otoridad si Chen ag ginsentensyahan it tatlong buean nga pagkapriso.