KALIBO, Aklan—Kadungan sa pagdumdum sa ika-40 nga EDSA People Power Revolution anniversary, magapatigayon it protest rally ro Bagong Alyansang Makabayan ukon Bayan-Aklan sa Crossing Banga-New Washington.
Suno kay Bayan-Aklan provincial coordinator Kim Sin Tugna nga kinahangean nga maghugpong ro tanan agud nga ipanawagan ro mga nagapangunang isyu nga nagakatabu sa nasyon kapareho it human rights, press freedom, labor rights, ag economic reforms.
Gin-insister nana nga kinahangean nga mapasabat si dating Pangueong Rodrigo Duterte ag si President Ferdinand “Bongbong” Marcos Jr. sa mga krimen nga nahimo sa mga pumueuyung Filipino.
Nauna eon nga ginbatikos it progresibong grupo ro desisyon it administrasyon nga owa pag-deklara sa February 25 sa EDSA People Power Revolution anniversary bilang non-working holiday.
