Nagapabilin sa red alert status ro nasyon it Israel matapos ro retaliatory attack it Iran kon sa siin ginpunterya kara ro mga US base militar sa Gulf Arab State.
Suno kay Bombo International News Correspondent Melly Jean Novilla sa Tel Aviv, sunod-sunod ro eopok nga andang nabatian sa ibabaw nga bahin nga posibleng naintercept it iron dome mga missile attack.
Maskin sa sentro sanda it Israel hay nakakabaton gihapon sanda it missile apang mas malala sa naaminhan nga porsyon it Israel bangud sa minutos eamang ro agwat ag maserena eon man ukon naga-alarm nga senyales it may nagapaabot nga missiles.
Ro joint combat operation it Amerika ag Israel hay uwa gid gin-eauman it mga pumueoyo it mga apektadong nasyon sa Middle East nga naging rason it pagkaparalisa it andang negosyo, pagkansela it mga flights ag pagkasuspinde it mga trabaho ag klase sa nagkaeain-eain nga nasyon.
Sa makaron nga tyempo nga ginaobserba ro Ramadan sa Middle East, pangamuyo nanda nga matapos eon ro sagupaan sa tunga it nasambit nga mga nasyon ag apela nanda nga makaangkon it kalinungan ag katawhayan sa nasambit nga lugar.
