Naging madinaeag-on ro ginhathat nga seguridad it Police Regional Office (PRO) VI sa pinaagi it koordinasyon sa Aklan Police Provincial Office sa ginpatigayon nga Association of Southeast Asian Nation ukon ASEAN ministerial meeting sa isla it Boracay.
Suno kay PMSgt. Jane Vega, tagapaghambae it Aklan PPO, raya hay kasunod it ginpatigayon nga series of inter-agency critique session kon sa siin masami nga ginatalakay it Task Group ASEAN 2026 Boracay, kaibahan ro nagkaeain-eain nga ahensya it gobyerno, ro mga tikang sa seguridad ag ro iskedyul it pag pull-out it mga delegado.
Dugang pa ni PMSgt. Vega nga ro padayun nga koordinasyon it mga ahensya hay nagsigurado sa kaeowasan it mga delegado ag madinaeag-on nga pagpatigayon it mga aktibidad it ASEAN 2026.
Owa man sigon it nailistang insidente sa seguridad sa nasambit nga aktibidad.
