Ginhinyo it International Criminal Court (ICC) Prosecution sa mga judges nga ipaathag it defense counsel ni dating Pangueong Rodrigo Duterte ro papel it an-om nga Filipino lawyer.
Ro mga raya hay ginakaeakipan nanday Salvador Medialdea, Salvador Panelo, Martin Delgra, Silvestre Bello III, Alfredo Lim, ag Cesar Dulay.
Sanda hay ginpakilaea ni Defense Counsel Nicholas Kaufman nga nagbulig ag nagsuporta masin nga nakapungko eamang ro mga raya sa gallery.
Nauna eon nga ginpahayag ni Kaufman nga daywa sa mga raya nga sanday Medialdea ag Delgra ro nagabulig halin pa kato.
Samtang, ginkumpirma ni Panelo nga ro defense team hay nakataeanang makipagpueong sa mga Filipino lawyers para talakayon ro estratehiya sa pagpamati.
Madumduman nga ginpatigayon ko Pebrero 23 hasta it 27 ro confirmation of charges hearing ni Duterte sa kaso kara nga crimes against humanity.
