Ginpasiguro ni Senador Francis “Kiko” Pangilinan nga igatutok it Senado ro mapinuslanong patakaran it gobyerno paadto sa kaumwaran it rural development bilang pagsabat sa seguridad sa pagkaon.
Ginpahayag ni Pangilinan, chairman it Senate committee on agriculture, food and agrarian reform, nga kinahang-ean tutukan ro rural development bilang pagtao it importansya sa inde matupungan nga kontribusyon it sektor it agrikulura sa pambansang kaumwaran.
Nagpromisa man ro mamalidha nga magabulig agud magkriar it pambansang patakaran ag polisiya agud masiguro ro food security, buligan ro ekonomiya ag paumwaron ro komunidad sa kanayunan.
Ginkasubo ni Pangilinan ro kahimtangan it Pilipinas nga naaywanan it kaeapit-baeay nga nasyon sa pagpaumwad it agrikultura nga kaeabanan sa andang trabahante hay ginsanay sa aton nga institusiyon kaparehas it University of the Philippines-Los Baños and the International Rice Research Institute.
Ginpakigbahin dugang it senador ro anang pakikipag-angot sa San Simon farmers angot sa proposisyong pagahimuon nga nasyunal ro agricultural and fisheries extension service ag pagkriar it Bureau of Agriculture and Fisheries Cooperatives sa idaeom it Department of Agriculture.
