Nagapabilin nga kalmado ro pilang overseas Filipino workers sa nasyon it Saudi Arabia sa tunga it nagalala nga tension sa Middle East.
Suno kay Bombo International News Correspondent Frelyn Castro, naging maagap ro gobyerno sa pagsabat sa problema rason nga inde masyadong mabatyagan ro epekto it kinagamo idto bukon it parehas sa Pilipinas nga nabatyagan ro economic crisis bangud sa sunod-sunod nga pagtaas it presyo it produktong petrolyo nga nakaangkon it domino effect sa mga nagapangunang baeak-eon kapin eon sa pagkaon.
Ginpamalibaran ni Castro ro ibang balita nga nagaguwa nga masyadong apektado sigon ro Saudi Arabia kon sa siin uwa sigon raya it kamatuoran sa baylo, matawhay ro nasyon makaron bangud sa naiintercept it andang airspace ro missiles nga nagaeopad halin sa Iran.
Sa makaron suno kay Castro hay kalmado ro nasyon ag uwa nagauntat ro gobyerno nga maghimo it tikang agud nga inde maapektuhan ro ekonomiya it nasyon.
