Natabunan it puea ro kaeangitan sa Shark Bay, Australia, antes nga tumama ro bagyong Narelle sa nasambit nga nasyon.
Suno sa weather report, nangin puea ro kahawaan halin sa 500 metros ro kaeayuon halin sa Shark Bay sa Exmouth, kun sa siin ro bagyo nag-landfall.
Sa report it Bureau of Meteorology, posibleng natabu ro insidente bangud nga ro Western Australia hay kilaea sa anang red dirt ukon mapuea-puea nga baeas nga gina-apok nga nagaresulta sa pagpuea it kahawaan.
Ro sambilog pang rason hay ro sobrang gae-um rason nga owa it kahayag, kun sa siin masyado raya nga puea kumpara sa andang nakasanayan nga eksperyensya nga orange eamang.
Base sa obserbasyon it mga residente, matapos nga nagpuea ro kaeangitan sa sueod it pilang oras, madasig raya nga naduea kapareho nga medyu owa eang it natabu matapos ro mabaskog nga hangin ag uean nga daea it bagyo.
