Nagbilog ro Department of Agriculture (DA) it food security task force para maid-id nga i-monitor ro suplay ag presyo it agricultural commodities sa tunga it energy emergency ag geopolitical tensions sa mga nagapangunang export markets.
Suno kay Agriculture Secretary Francisco Laurel Jr., tuyo it nasambit nga tikang nga mabayluhan ro dating ad hoc monitoring system it ahensiya para himuon nga standardized ag mas detalyado ro pag-track it mga suplay ag presyo it mga nagapangunang baeak-eon kamana man ro mga ginaimport ag ginaexport.
Nagapatigayon man it tracking ro task force sa epekto it mga disrupted shipping routes partikular sa Middle East nga nakaapekto sa nagapangunang mga ginaimport nga produkto it Pilipinas kaparehas it saging ag pinya.
Ro nasambit nga pagkadelay hay nagresulta sa pagkaduea it oportunidad it mga exporter rason nga ginkinahang-ean nga i-redirect ro shipments sa alternatibong merkado sa mas manabang presyo nga parehong nakakaapekto sa producers ag ekonomiya.
Para masuportahan ro agri sector, nakikipag-angot eon ro DA sa financial institutions para magtao it bulig sa exporters nga nagapangatubang sa pagkalugi.
