KALIBO, Aklan — Ginaboeobanta nga naga-abot pa eamang sa 85 to 90% ro presenteng completion it bag-ong Kalibo Public Market project.
Raya ro ginpahayag ni Sangguniang Bayan member Ronald Marte. Suno kana nga owa imaw it masyadong update sa proyekto halin sa kontraktor ag sa Municipal Engineering Office bangud nga owa man sanda it ginapakita nga monitoring report, apang kon tan-awon hay matsa uman nga naghinay ro trabaho it konstruksyon bangud nga sangkiri man lang ro andang nakikita nga nagatrabaho sa sueod.
Nasayuran nga nakaangkon eon it makapilang beses nga approved time extensions ro proyekto sandig sa hinyu it kontraktor.
Sa makaron hay nagapati ro opisyal nga imposible eon man raya nga maka-eagas sa deadline nga buean it Mayo bangud nga nagapatapos eon ro buean it Abril.
Ginpuna man nanda ro engineering office nga indi lang magtau it date of completion kon bukon it sigurado.
Plano sigon ni SB member Engr. Emerson Lachica bilang Chairman it Committee on Infrastructure nga uman nga magpatigayon it ocular inspection agud nga masayuran ro status it proyekto.
Reklamo pa sigon it mga vendors nga owa pa naobra hasta makaron ro gina-request nanda nga revision it mga stalls nga masyadong mapiot.
