Bukon it manami nga sensyales ro pag-bag-o it liderato it Senado.
Raya ro naging pahayag ni Prof. Danilo Arao it University of the Philippines College of Mass Media and Communication.
Suno kana, bangud nga ginakabig it pumueuyo nga ginakilingan it mayorya ro mga Duterte, maabo ro naga-eaom nga posibleng ma-archive, indi madayon, ukon basi indi ma-convene ro impeachment case ni VP Sara Duterte kun sa siin bukon raya it manami nga senyales para sa mga pumueuyo nga nagapanawagan it transparency ag accountability sa mga anomaloya sa gobyerno.
Kaabuan sigon sa mga pumueuyo ro gustong maka-angkon it impeachment trial kaya mas manami eon lang sigon nga sundon ro due process sa pagbista it nasmabit nga kaso.
Dugang pa nana, uwa man gina-dueaa ro posibilidad nga uman nga mag-bag-o ro mayorya bangud sa posibleng pag-aresto ag pag-daea sa The Hague kay Sen. Bato.
Kun matabo sigon raya, makabig nga mas ‘probable’ kun uwa eon it gina-panigan ro maga-tindog nga impeachment court.// samtang, klaru nga ro rason sigon it uman nga pagpakita sa publiko ni Sen. Ronald ‘Bato’ Dela Rosa hay para nga ipaabot ro anang boto para sa pagbag-o it liderato it senado.
Mintuod man nga peligroso para kana ro anang ginhimo nga tikang bangud nga kumpirmado eon it International Criminal Court (ICC) ro arrest warrant kontra kana nga gin-issue kato pang Nobyembre 2025.
