May pag-hueag sigon sa negosasyon sa tunga it Iran ag United States angot it nuclear program it Iran, sa pihak nga uwa pa it pinal nga kasugtanan.
Kaibahan sa gin-istoryahan it magtimbang nga bahin ro posibleng pagpaeawig it ceasefire sa sueod it 60 diyas, uman nga pagbukas it Strait of Hormuz, ag pagpadayon it negosasyon angot sa uranium enrichment ag sanctions relief.
Nauna eon nga nagpatihawig sanday US Pres. Donald Trump ag US Secretary of State Marco Rubio nga may positibong pag-umwad sa istorya, samtang ginreport man nga naapektuhan ro komunikasyon bangud sa sitwasyon ni Iranian Supreme Leader Mojtaba Khamenei matapos maninahan sa pag-atake it Israel.
Nag-angkon man it pagtunga sa sueod it Republican Party sa Amerika angot sa posibleng kasugtanan, samtang nagnaba mat-a ro presyo it langis ag umangat ro pilang stock market sa Asya bangud sa pag-asang mabawasan ro tensyon sa Middle East.
