Mahugot nga ginpamalibaran ni dating kongresista Mike Defensor ro pasibangud nga nag-tao imaw it tig-P5 milyong suhoe sa 18 nagpakilaeang dating Marines kabaylo it andang testimonya sa pagpamati it Senate Blue Ribbon Committee angot it iregularidad sigon sa mga proyektong flood control.
Suno kay Defensor, uwa it basehan ag himo-himo eamang ro akusasyon.
Ginkwestyon man nana ro impormasyong nakaabot sa National Bureau of Investigation (NBI), nga nakabase eamang sigon sa bukon direktang salaysay ukon “double hearsay.”
Ginhambae nana nga uwa sigon it direktang testigo halin sa mga dating suldado nga nagpamatuod sa alegasyon.
Samtang, ginkumpirma ni Defensor nga nakabaton imaw it subpoena halin sa NBI angot it istorya ag plano anay nanang kumonsulta sa anang abogado.
Uman man nana nga ginpamalibaran nga imaw ro handler it 18 ex-Marines, apang ginhambae nana nga magapadayon ro anang pag-bulig sa mga raya kasunod it pagkaduea it testigong si Orly Guteza matapos tumestigo sa ginadudahang kickback scheme.
