Nagdihon ro Pilipinas it diplomatic protest kontra sa China bangud sa nakitang floating platform sa Bajo de Masinloc sa West Philippine Sea.
Suno sa Deparment of Foreign Affairs (DFA), nga ginhimo eamang nanda ro nagakadapat sa paagi it pagdihon it diplomatic protest.// uwa eon ginpakigbahin pa it DFA ro pilang mga detalye sa pagiging confidential it mga raya.
Ginhambae man ni Philippine Coast Guard (PCG) spokesperson for WPS Rear Admiral Jay Tarriela, nga ro mga floating platform hay unang nadiskubre sa paagi it satellite imagery and maritime domain awareness operations nga andang ginpatigayon ku Mayo.
Dugang pa kara nga may una nga 30 square meters ro deck area ag ginbueubanta nga may una rayang haba it lima hasta pitong metro.
Nakita sigon ro pilang mga Chinese sa platform ku Mayo 30.
Ku Mayo 31 man, ro nasambit nga platform hay mas nagdaeom pa sa Bajo de Masinloc nga raya hay ginabuligan sigon it barko it China.
