Gin-anunsyo ni US President Donald Trump nga eubusan eon nga pagabuksan sa Biyernes, Hunyo 19, ro Strait of Hormuz, nga sangka importanteng ruta it langis.
Raya hay matapos nga magkasugot ro Estados Unidos ag Iran nga waksan eon ro giyera sa Middle East, nga sangka mabahoe nga tikang sa pagtapos it pilang buean nga kontrahan ag economic turmoil.
Suno kay Trump, paga-umpisahang pahueagon ro mga barko ag paga-kargahan it mga langis paguwa it Strait of Hormuz.
Ginhambae man it US President nga uwa imaw naga-eksperktar nga paga-kinahangeanon it maabong bulig para mabuksan ro ruta.
Ku Lunes, ginreport it Iranian media nga may una eon nga tatlong oil tankers ag daywang cargo ships nga nag-agi sa lugar nga naging subject it US naval blockade.
Samtang, nakataeana man nga permahan sa Biyernes, sa Switzerland ro peace agreement sa tunga it US ag Iran kaibahan ro mediator nga Pakistan.
