Kapin sa 1.59 milyong indibidwal ro apektado it magnitude 7.8 nga linog sa Maasim, Sarangani, suno sa National Disaster Risk Reduction and Management Council (NDRRMC).
Base sa Situational Report No. 13 it NDRRMC nga ginpaguwa ko Domingo, Hunyo 21, kapin sa 1,599,350 indibidwal ukon 375,664 pamilya ro apektado it linog sa 580 barangay sa Davao Region ag SOCCSKSARGEN.
Sa nasambit nga numero, 22,109 nga katawo ro sa evacuation centers samtang 63,351 man ro sa guwa it mga raya.
Nagsaka eon man ro death toll ukon numero it namatay bangud sa linog sa 77.
Nagsaka sa 1,339 ro naninahan bangud sa pag-uyog ag 31 nga iba pa ro naduea.
Samtang, may una nga 130 road sections ag 47 nga tulay ro apektado it linog sa Davao Region ag SOCCSKSARGEN.
Ginaboeobanta nga naga-abot sa P1.356 bilyon ro haega it kahalitan sa imprastruktura sa mga kaparehong rehiyon.
