Haum eon ro Brgy. Pook para sa pagahiwaton nga mga aktibidad it LGU Kalibo sa Kapistahan ni San Juan de Bautista sa maabot nga Hunyo 24.
Suno Hon. Lude Pinos, kapitan it nasambitan nga baranggay, haum eon ro andang mga tanod para nga magbulig sa pag-bantay it seguridad it mga maga-tambong sa mga aktibidad.
Dugang pa nana, pati ro barangay council hay magabulig man sa pagbantay sa bilog nga adlaw. Padumdum man nana, anda sigon nga pagasitahon ro mga tawo nga mapaseawan nga mag-sunod sa mga sueundanan, kaeakip eon karon ro indi pag-suksok it eambong sa ibabaw nga parte it Pook Jetty Port.
Samtang, padayon ro andang pag-ubra it tikang para nga mapabilin nga malimpyo ro lugar halin sa mga basura, apang sa pihak sigon it mga ginahimo nga tikang, padayon man nga uwa raya gina-sunod it pilang mga tawo nga naga-bisita sa lugar.
Pahayag dugang ni Kap. Pinos, padayon ro andang pagpahugot it seguridad sa lugar kaibahan ro mga kapulisan para nga mapabilin ro katawhayan ag malikawan ro anuman nga kinagamo.
