Temporaryong ginsuspinde it United Nations’ International Maritime Organization (IMO) ro planong pagbakwit sa masobra 11,000 tripulanteng naigpit sa Strait of Hormuz matapos maatake ro sangka cargo ship nga naga-agi sa nasambit nga rutang pandagat.
Suno sa report, gintamaan it sangka uwa pa natumod nga projectile ro Singapore-flagged cargo ship nga Ever Lovely maeapit sa baybayon it Oman.
Uwa it nareport nga namatay ukon naninahan, ag euwas nga nakatabok ro barko sa pihak it limitadong kahalitan.
Bangud sa insidente, ginpapundo anay it IMO ro evacuation plan samtang ginahueat ro kasiguraduhan sa kaeuwasan it mga barko ag tripulante.
Nauna eon nga ginlunsar ro operasyon para mabakwit ro libu-libong seafarers gna naigpit sa Gulf tuga it tensyon sa tunga it Iran, Estados Unidos, ag Israel.
