Uman nga nagpanawagan ro Pilipinas sa international community nga pabakuron ro United Nations Convention on the Law of the Sea (UNCLOS) bilang nagapangunang legal framework ukon basehan it mga laye sa kadagatan.
Ginpatigayon raya it Pilipinas sa pagtambong sa 36th Meeting of States Parties to the Law of the Sea (SPLOS 36) nga ginpatigayon sa United Nation ukon UN Headquarters sa New York.
Sa national statement it nasyon, ginpamilit ni Enrique Manalo, Ambassador ag Permanent Representative to the United Nations ro importansiya it 2016 West Philippine Sea Arbitral Award bilang giya sa pagsolbar sa mga isyu sa mga kaso sa kadagatan.
Gin-engganyo man ni Manalo ro tanan nga mga nasyon nga sundon ag irespeto ro award nga gindag-an it nasyon sa international court kontra sa China.
Nagpahayag man it suporta ro Pilipinas sa mga institusyong nagapatuman it UNCLOS kaibahan eon ro International Tribunal for the Law of the Sea (ITLOS), International Seabed Authority (ISA) ag Commission on the Outer Limits of the Continental Shelf (CLCS).
Raya hay agud nga mapabilin ro kaayusan ag malinong nga pagdumaea sa kadagatan.
