Haum eon si Senate President Sherwin “Win” Gatchalian nga magserbe bilang presiding officer sa impeachment trial ni Vice President Sara Duterte.
Suno kay Gatchalian, maabu imaw nga ginakonsulta nga legal experts ag sa mga may eksperyensya eon sa impeachment proceedings.
Pahayag kara nga ro anang eksperyensya sa pagpatigayon it hearings ag pagbuyot it nagkaeain-eain nga procedures ro anang magiging giya sa pagbuyot sa papel bilang presiding officer, dugang pa ro anang pirme nga pagkonsulta sa kapareho nga mga senador.
Para sa trial proceedings, ginpahayag ni Gatchalian nga ro mabahoe nga parte it preparasyon para sa impeachment trial hay una sa team it impeachment court clerk nga si Atty. Rey Bantug Jr.
Bilang sabat man sa mga debate nga dapat abogado ro maga-preside, ginpahayag it Senate president nga sangka political process ro impeachment ag magasunod sanda sa sueundanan.
