Magapangayo ro Department of Education (DepEd) it dugang nga pondo sa Department of Budget and Management (DBM) para makapag-hire it mas maabu nga security guard sa mga pampublikong eskwelahan.
Suno kay Education Secretary Sonny Angara, masyadong kueang ro mga security guard bangud nga 200 eon lang ro plantilla positions nga nabilin matapos ro nationalization, maskin nga may masobra sa 48,000 nga pampublikong eskwelahan sa nasyon.
Ginpahayag ni Angara nga magasumite ro DepEd it request sa DBM para makahimo it dugang nga mga permanenteng posisyon it security guards.
Kadungan kara, nagapatigayon eon man ro DepEd it safety audit sa mga eskwelahan matapos ro mga nagtaliwan nga insidente, kaibahan ro pagpamaril sa San Jose National High School sa Tacloban City kun sa siin tatlong estudyante ro namatay ag 20 nga iba pa ro naninahan.
Ginpamilit ni Angara nga kaeowasan it mga estudyante ro nagapangunang prayoridad it DepEd. Dugang pa kara nga pwede man nga magbulig ro mga ginikanan ag lokal nga gobyerno sa pag-giya it mas eowas nga transportasyon para sa mga estudyante.
