Ginkumpirma ni Defense Counsel Atty. Michael Poa nga owa nanda nasayuran ro petisyong ginpasaka ni Atty. Israelito Torreon sa Supreme Court.
Nasayuran nga nag-file ro pilang mga indibidwal sa pagpanguna ni Atty. Torreon it petisyon sa Korte Suprema nga insigidang papunduhon ro nasambit nga impeachment trial ni Vice President Sara Duterte bangud nga kinahangean anay nga resolbahon ro kwestyon sa awtoridad it presiding officer kara nga si Senator Chiz Escudero.
Ginpamilit it defense team nga naka-focus eang sanda sa impeachment trial ag ginpahayag nga owa sanda sa posisyon para maghambae kun suportado nanda ro nasambit nga petisyon ukon bukon.
Sa pangutana nga kon nasayuran ni VP Sara ro nasambit nga petisyon, ginpahayag ni Poa nga owa pa sanda naka-istorya angot kara rason nga mabahoe ro anang pagpati nga owa man sigon raya nasayuran it bise presidente.
