Ginkilaea it Bureau of Jail Management and Penology (BJMP) Region 6 nga posibleng nakadugang ro kakueangan it tawuhan sa Aklan District Jail sa insidente it pagpang-buno sa ap’at nha persons deprived of liberty (PDLs) ku Hulyo 4.
Suno sa BJMP, daywang jail personnel eamang ro naka-duty kat magtuhaw ro insidente, kun siin ap’at nga PDL ro gin-atake it daywang kapwa detainee gamit ro mga improvised nga mataeom nga armas.
Euwas man ag una eon sa maayos nga kondisyon ro mga biktima.
Naglunsar ro BJMP it administrative investigation para siguraduhon ro saeabton it mga tawuhan matapos madiskubre ro pagsueod it ginabawae nga mga armas sa sueod it kulungan.
Kadungan kara, nagpatigayon man it bueag nga criminal investigation ro Philippine National Police kontra sa mga suspek.
Bilang sabat, ginpabaskog it BJMP ro mga surprise inspection ukon greyhound operations, temporaryong ginsuspinde ro jail visitation, ag ginatun-an ro pag-dugang it mga tawuhan sa Aklan District Jail agud mapabaskog ro seguridad ag malikawan ro kaparehong insidente sa paaeabuton.
