-- ADVERTISEMENT --
Naglista it bag-ong Guinness World Record ro sangka babaye halin sa Oregon, U.S. matapos makabilog it 1,086 nga hippopotamus-themed memorabilia, kaibahan ro stuffed toys, figurine, wood carvings ag iba pang koleksiyon.
Nag-umpisa ro anang hilig sa pagpangolekta sa edad nga 14-anyos matapos makabaton it hippo plush toy bilang regalo.
Sa sueod it masobra ap-at nga dekada, padayon nana nga ginpabahoe ro anang koleksiyon sa paagi it mga regalo ag mga nakikita sa nagkaeain-eain nga tindahan ag baeakean, rason para maeampasan nana ro naunang world record nga gintaeana ku 2016.
