Gin-usisa it Department of Health (DOH) ro 455,188 bote it antiretroviral (ARV) drugs nga iga-panao sa mga tawong may HIV umpisa sa masunod nga dominggo.
Parte raya it unang bugso it ginaeaumang 1.2 milyong yunit it HIV commodities nga maabot sa nasyon.
Ginkumpirma it DOH nga euwas, epektibo, de-kalidad, ag rehistrado sa Food and Drug Administration ro mga bueong.
Ginaeauman man nga maabot ro nabilin nga suplay sa mga masunod nga dominggo, samtang nakataeana ro pangaywa ag pangatlong bugso sa tunga it Agosto ag Setyembre.
Sa pihak nga naapektuhan ro iskedyul it pag-abot it suplay bangud sa tensiyong heopolitikal sa Middle East, ginsigurado it DOH nga padayon karang ginadumaeahan ro supply chain para masiguro ro daeayon nga bueungan it mga tawong may HIV.
