Ginkumpirma it Ministry of Health it Venezuela nga tatlong katawo ro namatay matapos matapnan it hantavirus sa estado it Anzoátegui.
Suno sa gobyerno, owa it ebidensiyang maipasa ro sakit halin sa tawo sa tawo sa nasyon. Kaeabanan nga nagakalhit ro hantavirus pinaagi sa mga eanggam, ag bihira eamang ro human-to-human transmission.
Ginklaru man it health ministry nga owa it koneksyon ro mga pagkamatay sa hantavirus sa pagkamatay it daywang health worker sa estado it Barinas, nga padayun pang gina-imbestigahan.
Ko Abril, nakaangkon man it hantavirus outbreak sa MV Hondius cruise ship kun sa siin tatlong katawo ro namatay. Gindeklara it World Health Organization (WHO) nga tapos eon ro outbreak ko unang parte it Hulyo.
Ro barko hay naghalin sa Argentina, kun sa siin, makit-an ro Andes strain, ro tumaeagsahon nga klase it hantavirus nga kilaeang pwedeng maipasa halin sa tawo sa tawo.
