Ginpamilit it House prosecution panel nga indi nanda kinahangean nga maging neutral sa impeachment trial ni Vice President Sara Duterte, kasunod it puna ni Sen. Robin Padilla nga magja naga-apin eamang ro prosekusyon sa pagpamati.
Ginpaathag ni lead prosecutor ag Batangas Rep. Gerville Luistro nga normal nga adversarial ro impeachment trial kun siin obligasyon it prosekusyon nga pamatud-an ro mga pasibangud, samtang ro pagiging patas ag uwa it gina-apinan hay responsibilidad it mga senator-judges nga maga-desider base sa mga ebidensyang iga-presenta it magtimbang nga bahin.
Samtang, ginhambae ni Deputy Speaker Janette Garin nga naging taga-usisa ro Kamara matapos aprubahan it 257 kongresista ro Articles of Impeachment, samtang nagpangayo man it pasaylo si private prosecutor Lorna Kapunan kun may naging reaksiyon ro prosecution panel nga nasae-an nga kawad-an it pag-respeto kay Sen. Padilla.
