Ginklaru ni Senate President Sherwin Gatchalian nga owa imaw it nabaton nga formal request para sa pagpasakop nanday Senators Jinggoy Estrada ag Rodante Marcoleta sa impeachment trial ni Vice President Sara Duterte.
Raya sigon ro rason kon ham-an nga indi makaaksyon ro Senado angot sa andang partisipasyon maskin pa nga naistoryahan eon raya sa nagkaeain-eain nga forum.
Ginkumpirma it senador nga nakabaton imaw it sueat halin kay Marcoleta apang raya hay nagaplastar eamang it anang opinyon angot sa presiding officer ag sa 2/3 ukon 16 nga botohan para sa conviction.
Owa sigon it nakabutang angot sa pagpasakop it senador sa pagbista.
Ginpaathag man ni Gatchalian ro kaso ni Estrada, kun sa siin, indi raya pwedeng magpasakop sa oeobrahon ukon trabaho sa Senado bangud nga suspindido raya it 90 diyas it Sandiganbayan bilang senador ag kaibahan kara ro pagiging senator-judge.
