Gin-kwestiyon ni dating House Speaker Ferdinand Martin Romualdez ro padayun sigon nga paggamit it Office of the Ombudsman sa testimonya it pila sa mga “maleta boys” nga nagpakilaeang dating bodyguards it pugante ag former Congressman Zaldy Co para sa kasong igapasaka kontra kana nga gina-alegar nga mabuhay eon nga naduea-an it kredibilidad ag nagapangatubang makaron sa kasong cyberlibel ag perjury.
Ginpamilit kara nga ro anang ginapangayo hay patas nga pagtrato sa idaeum it laye samtang nagapadayun ro preliminary investigation angot sa kontrobersiya sa gina-alegar nga flood control scam.
Suno kay Cong. Romualdez, mabudlay sigon nga kabigon nga patas ro imbestigasyon kun ro mga testigong dati eon nga ginbasura ag makaron hay may ginapangatubang pang kaso hay padayun sa gihapon nga ginagamit kontra kana.
Sa pihak kara, ginpasiguro ni Cong. Romualdez nga paga-atubangon nana ro proseso it imbestigasyon. Indi sigon imaw maga-atras sa anang kaso ag indi magapa-apekto pinaagi sa paghimo it tama.
