Ginpabaskog it Department of Agriculture (DA) ro market early-warning system agud maagapan ro problema sa suplay ag malikawan nga masamad ro mga ani it tinuean-on.
Kaparte raya it tikang it ahensya matapos ro naging madinaeag-on nga emergency procurement sa tunga it tension sa Middle East.
Suno kay Assistant Secretary Genevieve E. Velicaria-Guevarra, makabulig ro sistema sa mga regional help desks para mabantayan ro daeagan it produkto halin sa bukid paadto sa merkado.
Mas mapamayad ro pagplano ag mapunggan ro pang-abuso it mga middleman sa pinaagi it regular nga pagtantya sa ani ag farmgate prices.
Nagatao man ro sistema it mga alerto sa logistic para mas madasig nga makasabat ro gobyerno sa mga problema sa merkado.
Tuyo man it DA nga maiangot ro mga mangunguma sa mga institusyonal nga bumaeakae agud nga inde mauyang ro sobrang ani it mga tinuean-on.
