Indi maganaba sa 16 nga katawo ro namatay samtang ap-at nga iba pa ro naduea sa magkaseparado nga insidente sa Central Luzon bangud sa pilang adlaw nga mabaskog nga uean tuga it Habagat.
Sa Zambales, siyam eon ro namatay matapos nga kumueob ro ginasakyan nga baroto it 13 nga Aeta sa Mapanuepe Lake sa San Marcelino. Kaibahan sa mga namatay ro 26-anyos nga nados nga si Arryn Paanan Liwanag, nga nakit-an ro eawas ko adlaw it domingo. Ap-at nga iba pa ro naka-eowas sa insidente.
Samtang, may mga namatay man sa magkaseparado nga insidente it pagka-eumos, landslide ag pagbaha sa Zambales, Olongapo ag Pampanga. Masobra sa 16,000 nga residente sa Zambales ag Olongapo ro nag-evacuate bangud sa pagbaha.
Sa Pampanga, 317 sa 505 barangay ro naapektuhan, samtang ap-at nga katawo man ro missing matapos mahueog sa suba ro sangka SUV kat mahugos ro Agana Bridge sa Tarlac City.
