Dismayado ro dating mamalidha nga matsa may special treatment nga ginhimo kay Vice President Sara Duterte sa anang pag-adto sa Regional Trial Court sa Quezon City agud nga magpyansa sa anang kasong 3 counts of grave threats kasunod it anang naunang pagpamaeag kanday Pangueong Ferdinand Marcos Jr., First Lady Liza Marcos, ag Rep. Martin Romualdez, haeos daywang dag-on eon ro nakataliwan.
Raya hay matapos nga matsa uwa nasunod ro proseso kaparehas it pagbutang it posas ag pagbuoe it mugshot sa bise presidente.
Suno kay ML partylist president Teddy Baguilat Jr., eain gid raya kaysa sa mga ordinaryong Filipino citizen kon ginaproseso sa korte ro andang mga kaso.
Ro pahayag it mamalidha hay kasunod it pag-aresto sa 11 residente it Kasibu, Nueva Vizcaya ko Agosto 28 bangud sa kasong grave coercion ag resistance and disobedience.
Ro mga residente hay kaibahan sa mga nagbarikada sa Barangay Paquet bilang pagpamaeabag sa mining exploration it North Luzon Mineral Resources Corp. (NLMRC).
Gin-aresto sanda matapos nga tinguhaon it mga pulis nga kakason ro harang nga nagapugong sigon sa pagsueod it mga fuel truck para sa operasyon it kompanya.
Sa kamatuoran suno kay Baguilat, bukon it makatarungan ro ginhimo nga kubos nga pumueoyo bangud nga gusto eamang nanda nga protektahan ag amligan ro kalikasan.
Rason nga ginkasubo it dating mamalidha nga eain gid ro pagtrato sa bise presidente kaysa sa mga ordinaryong citizen it nasyon.
