Nagdihon it not guilty plea si USWAG Ilonggo Party List Representative James “Jojo” Ang Jr., adlaw it Martes, Setyembre 8 para sa daywang reklamo it graft sa gina-alegar nga multi-milyong pisong kontrata sa Department of Public Works and Highways.
Madumduman nga ginmandu it Sandiganbayan ro pag-aresto kay Ang ko Hulyo angot sa 14 kaso it graft nga ginpasaka it Office of the Ombudsman.
Gin-akusahan ro mamalidha sa pag-angkon it share sa sangka kompanya nga nagdaog it P214 milyong haega it kontrata halin sa Department of Public Works and Highways samtang imaw hay sa opisina.
Gintaw-an ro nasambit nga kompanya it P199 milyon it kabilugan nga kantidad.
Maskin nga orihinal nga gintaeana ro arraignment ag pre-trial ko Agosto 3, nagdihon ro kampo ni Ang it Motion for Consolidation ag Motion to Quash Information, nga natiempo sa Setyembre 8.
Ginpasugtan man it Sandiganbayan ro Motion for Consolidation it consolidation it daywang kaso.
Sa pihak kara, ginpamalibaran it Sandiganbayan ro motion to quash bangud sa kakueangan it merito.
“The Motion to Quash Information dated July 31, 2026 filed by accused James Ang, Jr. is hereby denied for lack of merit. The Court finds that it has jurisdiction over the offenses charged,” pahayag it Sandiganbayan
