Nadelay ro nakataeana nga pueong it Iran, Oman, Iraq ag mga nasyong miyembro it Gulf Cooperation Council ukon GCC angot sa pagbalik it pilang daloy it trapiko sa Strait of Hormuz.
Pagahiwaton kunta ro pagpueong sa Salalah, Oman ku Lunes para talakayon ro temporaryong mga ruta sa importanteng daluyan it langis.
Suno sa Iranian Foreign Ministry, naging rason it pagpa-iway ro pagbaeabag it Saudi Arabia sa proposisyon.
Ginreport man it pilang US media nga nag-hinyo ro Riyadh it mga pagbag-o bangud nagakabaeaka raya nga posibleng mag-himo ro kasugtanan it bag-ong status quo sa Strait of Hormuz nga bukon sigon it kabaton-baton.
Bagtuhaw ro pagpa-iway kasunod it mga pag-atake it drone nga nag-halin sigon sa Iraq ag nakakapekto sa importanteng oil pipeline it Saudi Arabia, pati eon man it mga pag-atake it Houthi rebels.
Uwa pa it gintaeana nga bag-ong petsa para sa pagpueong.
