Gin-usisa it prosecution ro mga gindeklarang negosyo ni Vice President Sara Duterte ku unang termino nana bilang alkalde it Davao City, partikular ro acquisition cost ukon kapital nga nakalista sa anang Statements of Assets, Liabilities and Net Worth (SALN).
Sa pagpamati sa impeachment trial, ginhambae it testigong si Atty. Karen Batu it Office of the Ombudsman nga uwa it nakalistang acquisition cost sa pilang dokumento, samtang uwa man it gindeklara nga stocks sa 2007 ag 2009 SALN ni Duterte. May nakalistan g stocks equity paid mat-a sa 2008 SALN.
Parte raya it presentasyon it prosecution sa mga rekord it Ombudsman angot it mga alegasyon it indi mapaathag nga manggad, saea nga deklarasyon sa SALN, ag pakikipag-sosyo sa negosyo samtang una sa posisyon sa gobyerno.
