Gintaeana ni Pangueong Ferdinand Marcos Jr. si Rey Joseph “RJ” Nieto, nga kilaea sa social media bilang Thinking Pinoy, bilang assistant secretary it Office of the Cabinet Secretary.
Nakabaehag sa appointment document nga pwede eon nga mag-qualify ag buytan ni Nieto ro trabaho matapos makumpleto ro kinahangeanon nga proseso, kaibahan ro pagpanumpa sa puwesto.
Ginkumpirma man ni Nieto ro anang appointment sa sangka Facebook post apang ginpahayag nana nga owa pa imaw nakapanumpa ag may pila pang formalidad nga kinahangean nga tapuson bago imaw pormal nga maga-umpisa sa trabaho.
Ginpahayag ni Nieto nga kaibahan sa trabaho it Office of the Cabinet Secretary ro pagsubaybay kun ginapatuman it maayos ro mga programa it gobyerno ag kun nakaka-abot sa publiko ro mga serbisyo.
Ro nasambit nga taeatapan hay ginapamunuan ni Cabinet Secretary Benjamin “Benhur” Abalos Jr., nga ginbutang ni Marcos ko Hulyo.
Bago ro anang appointment, nakilaea si Nieto sa anang political commentary sa social media sa idaeum it pangaeang Thinking Pinoy.
