Posibleng maka-eksperyensiya it mga pag-uean ag pagkilat ag daeugdog ro pilang parte it Visayas ag Mindanao makaron nga adlaw it Huwebes bangud sa trough ukon ikog it Tropical Storm Choi-Wan nga ginabantayan sa guwa it Philippine Area of Responsibility o PAR.
Kaibahan sa posibleng maka-eksperyensiya it magaeumon nga kaeangitan, kalhit-kalhit nga pag-uean, ag thunderstorms ro Eastern Visayas, Caraga, ag Davao Oriental.
Ginaeauman man ro katamtaman nga magaeumon hasta sa magaeumon nga kaeangitan nga may isolated rain showers o thunderstorms sa Northern Mindanao ag nabilin nga parte it Davao Region.
Sa pinaka-ulihing monitoring it state weather bureau, naispatan ro bagyo sa kaeayuon nga 2,945 kilometro nasidlangan it Central Luzon.
Daea kara ro kabaskog it hanging naga-abot sa 75 km/h, samtang may pagbugsong naga-abot sa 90 km/h.
Nagahueag ro bagyo paagto sa west-northwestward sa kadasigon nga 15 km/h.
Samtang, katamtaman nga magaeumon hasta sa magaeumon nga tiempo nga may posibilidad it localized rain showers o thunderstorms ro maeksperyensiyahan sa Metro Manila ag iba pang parte it nasyon.
Mahina hasta sa katamtaman man ro hangin sa bilog nga nasyon samtang kasarangan ro kondisyon it humbak sa mga kadagatan.
Padayun man nga gina-monitor it state weather bureau ro hueag it tropical storm Choi-Wan ag ro magiging epekto it trough kara sa daeagan it tiempo sa nasyon.
